TaoNews.Ge

უკრაინის რადას საგარეო პოლიტიკისა და საპარლამენტთაშორისო თანამშრომლობის კომიტეტი ქართველ კოლეგებს მხარდაჭერისთვის მადლობას უხდის

უკრაინის რადამ მიიღო კანონი, რითაც მედიასა და საზოგადოებრივ ადგილებში რუსული მუსიკა იკრძალება

უკრაინის უმაღლესმა რადამ, ხმათა უმრავლესობით, კანონპროექტი მიიღო, რომელიც კრძალავს რუსული მუსიკის შესრულებას საზოგადოებრივ ადგილებში, მედიასა და ტრანსპორტში.

ასევე რადამ გაზარდა უკრაინული მუსიკის კვოტა რადიოსადგურებისა და ტელეარხების ეთერში.

კანონი კრძალავს ნაწარმოებების (მათ შორის მუსიკალური კლიპების) საჯარო შესრულებას და ტრანსლირებას იმ არტისტების მიერ, რომლებსაც ჰქონდათ, ან აქვთ რუსეთის მოქალაქეობა 1991 წლის შემდეგ.

დოკუმენტის თანახმად, ამ ნორმის დარღვევის შემთხვევაში, ტელერადიოკომპანიებს სალიცენზიო მოსაკრებლის 10%-იანი ჯარიმა დაეკისრებათ.

ეს არ იმოქმედებს იმ შემსრულებლების მუშაობაზე, რომლებმაც დაგმეს რუსეთის სამხედრო აგრესია უკრაინის წინააღმდეგ.

იმისათვის, რომ მოხვდნენ გამონაკლისების სიაში (და, კერძოდ, უკრაინაში გასტროლებზე), კანონპროექტი დაინტერესებულ არტისტებს, ან მათ წარმომადგენლებს ავალდებულებს უკრაინის უსაფრთხოების სამსახურს განაცხადი წარუდგინონ დადგენილი ფორმით.

განცხადებასთან ერთად, ხელოვანებმა ხელი უნდა მოაწერონ აგრესიის დაგმობისა და ომის დაუყოვნებლივ შეწყვეტის მოთხოვნის დეკლარაციაზე.

ვარაუდობენ, რომ გამონაკლისების სია განთავსდება და განახლდება უსაფრთხოების სამსახურის ვებგვერდზე.

მსგავსი სიახლეები

კოპირება აკრძალულია!