TaoNews.Ge

საქართველოს მოქალაქეების ლეგალურ დასაქმებასთან დაკავშირებით კიდევ 3 ქვეყანასთანაა მიღწეული შეთანხმება და რეგისტრაცია მიმდინარე წლიდან დაიწყება

საქართველოს მოქალაქეების ლეგალურ დასაქმებასთან დაკავშირებით კიდევ 3 ქვეყანასთანაა მიღწეული შეთანხმება და რეგისტრაცია მიმდინარე წლიდან დაიწყება

ჯანდაცვის სამინისტროს შრომითი მიგრაციის საკითხთა სამმართველოს უფროსის, გიორგი ბუნტურის განაცხადებით გერმანიის გარდა საქართველოს მოქალაქეების ლეგალურ დასაქმებასთან დაკავშირებით 3 ქვეყანასთანაა მიღწეული შეთანხმება და სავარაუდოდ, მიმდინარე წლიდან დაიწყება რეგისტრაცია ისრაელსა და საფრანგეთში დასაქმების მსურველებისთვის.

“დიდი იმედი გვაქვს, რომ წელს ისრაელიც დაემატება და დაიწყება დასაქმების მსურველების რეგისტრაცია” -ამბობს გიორგი ბუნტური

„გერმანია პირველი ქვეყანაა, რომელთანაც ოფიციალურად დავიწყეთ ცირკულარული მიგრაციის სფეროში შეთანხმების განხორციელება. გერმანიის გარდა 3 ხელშეკრულებაა გაფორმებული, რომელთა ამოქმედებაზეც ვმუშაობთ. ეს ქვეყნებია საფრანგეთი, ისრაელი და ბულგარეთი. სავარაუდოდ, ამ ქვეყნებიდან პირველი ისრაელი იქნება და შეიძლება, საფრანგეთიც, სადაც წელს დაიწყება დასაქმების მსურველების რეგისტრაცია. დიდი იმედი გვაქვს, რომ წელს ისრაელიც დაემატება. მინდა აღვნიშნო, რომ თითოეულ ქვეყანასთან მოლაპარაკების საგანი ინდივიდუალურია. ისრაელის და საფრანგეთის შემთხვევაში სხვადასხვა სექტორებზეა საუბარი. საფრანგეთის შემთხვევაში 50 პროფესიაა განსაზღვრული. ბულგარეთშიც არანაირი შეზღუდვა არაა. სამომავლოდ შესაძლოა, გერმანიასთანაც მოხდეს სხვა სექტორების დამატება. ასევე, ვაგრძელებთ ევროკავშირის სხვა ქვეყნებთან მოლაპარაკებებს, რომ მსგავსი ტიპის შეთანხმებებს მივაღწიოთ და საქართველოს მოქალაქეებმა ლეგალურად შეძლონ დასაქმება“, – განაცხადა გიორგი ბუნტურმა.

მსგავსი სიახლეები

No Content Available
კოპირება აკრძალულია!