TaoNews.Ge

საქართველოს და უკრაინის პრეზიდენტებს შორის სატელეფონო საუბარი შედგა – ზურაბიშვილმა უკრაინას სოლიდარობა გამოუცხადა

საქართველოს და უკრაინის პრეზიდენტებს შორის სატელეფონო საუბარი შედგა – ზურაბიშვილმა უკრაინას სოლიდარობა გამოუცხადა

საქართველოს პრეზიდენტ, სალომე ზურაბიშვილსა და უკრაინის პრეზიდენტს, ვოლოდიმირ ზელენსკის შორის ცოტა ხნის წინ სატელეფონო საუბარი შედგა.

ადმინისტრაციის განცხადებით, ზურაბიშვილმა შეშფოთება გამოხატა რუსეთ-უკრაინის საზღვარსა და ყირიმში შექმნილ მდგომარეობასთან დაკავშირებით და უკრაინას სოლიდარობა გამოუცხადა.

“სალომე ზურაბიშვილმა საუბრისას ხაზი გაუსვა უკრაინის მიერ პროვოკაციების მიმართ გამძლეობის აუცილებლობას და აღნიშნა, რომ აუცილებელია, ვიმოძრაოთ ჩვენი საერთო უსაფრთხოების ერთადერთი მიმართულებით, რომელიც არის ევროატლანტიკური ინტეგრაცია.

ორივე ქვეყნის პრეზიდენტმა ხაზგასმით აღნიშნა შავი ზღვის უსაფრთხოების მნიშვნელობა და ამ მიმართულებით ნატო-სა და ევროკავშირის მაღალი დონის შეხვედრებზე საქართველოს და უკრაინის ერთობლივი მიზნების წარდგენის საჭიროება”, – წერია უწყების განცხადებაში.

მხარეები შეთანხმდნენ, რომ აღნიშნულ საკითხებზე სამუშაოდ გამოიყენებენ უკრაინაში საქართველოს პრეზიდენტის მომავალ ვიზიტს.

მსგავსი სიახლეები

No Content Available
კოპირება აკრძალულია!