რუსეთმა პოლონეთს ბელორუსიის გავლით დრუჟბას მილსადენით ნავთობის მიწოდება შეუწყვიტა. ამის შესახებ ინფორმაცია ნავთობკომპანია PKN Orlen-ის აღმასრულებელმა დირექტორმა, დანიელ ობაიტეკმა, გაავრცელა. ობაიტეკის განცხადებით, ნავთობის მიღების შეჩერების მიზეზი რუსეთის გადაწყვეტილება იყო, თუმცა, მისი თქმით, პოლონეთს ნავთობის საკმარისი მარაგები აქვს და სიახლეს სრულიად მომზადებული ხვდება. ცნობისთვის, უკრაინაში ომის დაწყების შემდეგ რუსული ნავთობი პოლონეთის ნავთობის ჯამური მიწოდების დაახლოებით 10%-ს შეადგენდა, რაც ეტაპობრივად მცირდება.
