TaoNews.Ge

კიევში შეზღუდვები მკაცრდება

ნაკლებად სავარაუდოა, რომ უკრაინამ მიიღოს ევროკავშირის კანდიდატის სტატუსი – ჰოლანდიის პრემიერი

ჰოლანდიის პრემიერ-მინისტრ მარკ რუტეს აზრით, შანსი იმისა, რომ უკრაინა მალე გახდეს ევროკავშირის წევრობის კანდიდატი, არც ისე დიდია. მისი თქმით, ევროკავშირის ძალიან ბევრ ქვეყანას არ მოსწონს ეს იდეა.

მარკ რუტეს განმარტებით, ეს, ასევე, უსამართლო იქნება დასავლეთ ბალკანეთის ქვეყნების მიმართ, რომლებიც გაცილებით დიდხანს ელოდნენ კანდიდატის წევრობას, თქვა მან პარლამენტში.

„ევროკომისიამ პირველ რიგში უნდა უპასუხოს კიევის მთავრობის თხოვნას, მიიღოს ევროკავშირის კანდიდატის სტატუსი. შემდეგ კი, მთავრობის მეთაურები გადაწყვეტენ, მოხდეს თუ არა ეს. ერთი შესაძლო ვარიანტი არის ის, რომ უკრაინა გახდეს პოტენციური კანდიდატი წევრი და მიიღოს მითითებები, თუ რამდენი ნაბიჯი უნდა გადადგას მან ამ სტატუსის მისაღებად. ეს ადრეც მოხდა ბოსნიასთან. ეს ასევე დაეხმარება უკრაინის მთავრობას „არ იყოს დემოტივირებული“, – თქვა რუტემ.

ნიდერლანდების პარლამენტის ქვედა პალატაში, Tweede Kamer-ის რამდენიმე პარტიამ მოითხოვა უკრაინისთვის კანდიდატის სტატუსის მინიჭება. მათ შორისაა D66, PvdA და GroenLinks – კოალიციური პარტია და ორი ოპოზიციური პარტია, რომლებთანაც მთავრობა ხშირად ცდილობს მუშაობას სენატში. VVD-ს კვლავ „არ სურს“ ამ სტატუსის მინიჭება.

რუტეს თქმით, უკრაინა „ძალიან შორს“ იყო კანდიდატის სტატუსისგან რუსეთის შეჭრამდე. ის, ასევე, ვერ ხედავს უახლოეს კანდიდატის სტატუსს მოლდოვასთვის. ეს არ გამორიცხავს, ​​რომ ეს ქვეყნები საბოლოოდ არ გაწევრიანდებიან ევროკავშირში, განაცხადა პრემიერმა. ევროპის კონტინენტის ყველა ქვეყანას აქვს უფლება გაწევრიანდეს ევროკავშირში, იმ პირობით, რომ ისინი აკმაყოფილებენ პირობებს.

ევროპელი ლიდერები ადრე ამბობდნენ, რომ უკრაინა ევროპული ოჯახის ნაწილია. რუტეს თქმით, ეს უფრო „ემოციური“ იყო, ვიდრე „კანონიერი/ლეგალური“ განცხადება.

მომავალ კვირას უკრაინასთან დაკავშირებით ევროპელი ლიდერების დამატებითი სამიტი გაიმართება.

მსგავსი სიახლეები

აშშ-ს დემოკრატიის ეროვნული ფონდის  პრეზიდენტი დეიმონ უილსონი თავის ქმართან ერთად თბილისში სამუშაო ვიზიტითა და თაფლობის თვის გასატარებლად  ლგბტ კვირეულზე ჩამოვიდა-ნიკოლოზ მჟავანაძე (ვიდეო)
კოპირება აკრძალულია!