TaoNews.Ge

“გაიყვანეთ ეს ბორდი თუ ბორდელი აქედან” – ელიზბარ ჯაველიძის, გურამ პეტრიაშვილის და სხვათა წერილი თეა წულუკიანს

გაიყვანეთ ეს “ბორდი” თუ “ბორდელი” აქედან და აღადგინეთ სამართლიანობა! – ასე მიმართავს მწერალთა ეროვნული აკადემია კულტურის მინისტრს.

“ქალბატონო თეა! იცით თუ არა თქვენ, ვინ არიან მწერალთა სახლის ახლანდელი ბინადარნი? _ სააკაშვილის ბორდი, გუგულის ბუდეში ჩასხმული ყვავის წიწილები…[…]
რა დრო დადგა ისეთი, ქალბატონო თეა, რომ მწერალთა ისტორიულ (სარაჯიშვილისეულ) სახლში შეჭრილი მედროვე-მოროდიორები ვერ გავიყვანეთ?! სააკაშვილმა მწერალთა ისტორიულ სახლში “ეშმაკებს დაადგმევინა კარვები”, მწერლები კი სპეცრაზმებით განდევნა!.. ცხრა წელიწადი ვერც “ქართულმა ოცნებამ” მოაცვლევინა ამათ ფეხი. […]

მწერალთა სახლშიც ესენი ჩაბუდდნენ და ცოცხალი თავით არ უშვებენ მწერლებს, მემორიალურ ბაღშიც კი ვერ შეხვალ, თუ ამ აწ უკვე სასტუმრო-სარესტორნო ბაღად ქცეული სახლის დირექტორმა, ვინმე უწიგნურმა ლომოურის ქალმა არ მოგცა ნებართვა-საშვი. ამათ აფინანსებს ყველა ანტისახელმწიფოებრივი ბიზნესი, ბანკები და ფონდები: ხაზარაძე-ოქუაშვილები და მისთანანი… […]

და რატომღაც ამათვე აფინანსებს ხელისუფლება, ანუ კულტურის სამინისტროც (ამ ქვეყნის და ხელისუფლების მაოხრებლებს და მაგინებლებს), რაც მართლა პარადოქსია!

გაიყვანეთ ეს „ბორდი“ თუ „ბორდელი“ აქედან და აღადგინეთ სამართლიანობა!
მართლაც სამწერლო, ისტორიულ-მემორიალური სახლი, სადაც მწერლებს შეკრება უხაროდათ, სიამოვნებდათ ბიბლოითეკასა თუ ბაღში ჯდომა, არქივებში ძიება… ამათ ეს ისტორიული შენობა და გარემო მართლაც „ბარდაკად“, რესტორნად და სასტუმროად აქციეს… გაანადგურეს ბიბლიოთეკა, არქივი და სხვა მრავალი…”, – წერია წერილში.
ავტორები აღნიშნავენ, რომ “ქართული ოცნების” შეცდომა თეა წულუკიანმა უნდა გამოასწოროს.

წერილს ხელს აწერენ: კობა არაბული, ლერი ალიმონაკი, ვახტანგ ხარჩილავა, გური ოტობაია, ჯუბა ღებელი, ტარიელ ხარხელაური, თემურ შავლაძე, ელიზბარ ჯაველიძე, ზურაბ თორია, ვანო ჩხიკვაძე, ავთანდილ არაბული, ელდინო საღარაძე, ირაკლი ვაშაყმაძე, გურამ პეტრიაშვილი, ზაურ კალანდია, და ა. შ.

მსგავსი სიახლეები

No Content Available
კოპირება აკრძალულია!