TaoNews.Ge

დააკავეს ჯგუფი, რომელიც ლუკაშენკოზე და მის შვილებზე თავდასხმას გეგმავდა

„ბელარუსებისთვის ომი გენეტიკურ დონეზე მიუღებელია“ – ლუკაშენკო

ბელარუსის არაღიარებული პრეზიდენტის ალექსანდრე ლუკაშენკოს განცხადებით, ბელარუსი უკრაინაში მხოლოდ იმ შემთხვევაში იბრძოლებს, თუ უკრაინა ბელარუსის წინააღმდეგ დაიწყებს ბრძოლას. ამის შესახებ ლუკაშენკომ ინფორმაციულ სფეროსა და მედიის ქმედებების შესახებ გამართულ დღევანდელ შეხვედრაზე ისაუბრა. ინფორმაციას ბელარუსის პრეზიდენტის ადმინისტრაცია ავრცელებს.

ლუკაშენკოს განაცხადებით ოპოზიცია და მისი მხარდამჭერები ბელარუსის მოქალაქეებზე ზეწოლას ზრდიან და მათი გრძნობებით თამაშობენ, როცა ამბობენ, რომ ბელარუსი უკრაინასთან ომში ჩაებმება.

„ათასჯერ ვთქვი, რომ ჩვენ უკრაინაში ბრძოლას არ ვგეგმავთ. ეს აქტუალური საკითხია. ბელარუსებისთვის ომი გენეტიკურ დონეზე მიუღებელია. ახლა კი მათ ამაზე დაიწყეს ჩაჭიდება. ჩვენ ამას წყნარად უნდა ვუპასუხოთ“, – განაცხადა ლუკაშენკომ.

ლუკაშენკომ აღნიშნა, რომ ომში ბელარუსის ჩართვაზე საზღვარგარეთ განცხადებების გავრცელების მიზანი საზოგადოებრივი აზრის მომზადებაა, რათა ბელარუსი რუსეთ-უკრაინის ომში ჩაითრიონ.

„ჩვენი ომში ჩათრევა მხოლოდ ერთი გზითაა შესაძლებელი: თუ ჩვენს წინააღმდეგ აგრესია დაიწყება, თუ ისინი ჩვენ წინააღმდეგ დაიწყებენ ბრძოლას. შესაბამისად, მე ფხიზლად ვარ.

როცა ამის შესახებ ვკითხულობ, მოვუწოდებ სამხედრო სამსახურებს: გაავრცელეთ ინფორმაცია იმაზე, თუ რა ხდება ჩრდილო-დასავლეთით, და რა ხდება დასავლეთში? ჩვენ ყველაფერს ვხედავთ? ყველაფერი მობილიზებულია? როგორ მუშაობს დაზვერვა?“ – დასძინა მან.

მსგავსი სიახლეები

კოპირება აკრძალულია!